Зүүнбаянгийн багш нартаа

2011.11.28                                 №1                                       Улаанбаатар хот

“Цахим сургалт” төслийн үйл ажиллагаа амжилттай эхэлж, 1-р шатны сургалт явагдаад багагүй хугацаа өнгөрлөө. Төслийн 1-р шатны үйл ажиллагааны төлөвлөгөөний хэрэгжилтийг хангах зорилгоор дараах зөвлөмжийг илгээж байна. Үүнд:

Төсөл хэрэгжүүлэх сургуулийн баг нь Захирлын тушаалаар томилогдох ба бүх Сургалтын менежер, Нийгмийн ажилтан болон ЗАС-ийн ахлагч, БХТөвийн арга зүйч нар багт орсон байх шаардлагатай.

Төслийн үйл ажиллагааны 1-р шатны ерөнхий төлөвлөгөөтэй уялдуулан хариуцах ажилтан, хэрэгжих хугацааг тодорхой заасан сургуулийн төлөвлөгөөг гаргана.

11.25-ны өдөр сургуулийн төлөвлөгөөг цахим шуудангаар илгээх  хүсэлт гаргасан боловч өнөөдрийн байдлаар ирүүлсэн сургууль байхгүй байна.

Сургуулиудын ирүүлсэн тайлантай танилцаж, сургууль бүрд төслийн хэрэгжилтийг хангах тал дээр юунд анхаарах талаар зөвлөгөө хүргүүлж байх  болно.

Жнь: Төслийн үйл ажиллагааны төлөвлөгөөний 8.4, 9.4-д тусгагдсан  уралдаан зарлах гэсэн заалтын биелэлтийг бичихдээ уралдаан зарласан гэж бичээд орхих биш тухайн уралдааны болзлыг хавсаргах, Сургалтын менежерүүдээс багш нарын цахим хичээлд сууж анализ хийж байгаа бүртгэл, цахим хичээл, сургалтын хэрэглэгдэхүүний бүртгэлийг хавсаргах шаардлагатай.

Төслийн 1-р шатны ажил дүгнэхэд үйл ажиллагааны төлөвлөгөөний заалт бүрээр хийсэн ажлыг  үнэлэх болно.

Төсөл хэрэгжүүлэгч сургууль бүрд зориулж сургалтын блог нээсэн ба

-       Сургуулийн төслийн үйл ажиллагааны төлөвлөгөө

-       Төслийн явцын тайлан

-       Төслийн хэрэгжилтийг хангах талаар Гүйцэтгэгч-менежментийн багийн зөвлөмж

-       Багш нарын цахим хичээл, сургалтын хэрэглэгдэхүүнд өгөх зөвлөгөө

-       Нээлттэй эхийн үйлдлийн системийн Хэрэглээний болон бусад програмууд дээр хэрхэн ажиллах талаар зайн сургалт

-       Цахим хичээл, сургалтын хэрэглэгдэхүүн, ном, тест, судалгаа, нэгж хичээлийн цахим хөтөлбөрийг  сонирхолтой програмууд ашиглан хийх талаар зайн сургалт

-       Баянзүрх дүүргийн төсөл хэрэгжсэн сургуулиудын туршлага зэрэг материалууд байршуулна.

Сургуулийн удирдлага, бүх багш нар бидний хөтлөн явуулж байгаа сургалтын блогт байнга зочилж, мэдээлэл, зөвлөгөө үзэж, зайн сургалтад хамрагдахын зэрэгцээ төслийн танхимын болон зайн сургалтыг хэрхэн үр дүнтэй явуулах, төслийн хэрэгжилтэд анхаарах зүйлийн  талаар санал хүсэлтээ илгээж байх нь төслийг амжилтад хүргэхэд чухал үүрэг гүйцэтгэнэ.

Сургууль дээр явагдаж буй сургалтын болон төслийн хэрэгжилттэй холбоотой та бүхний илгээсэн зургуудыг сургалтын блогт байршуулах болно.

Төслийн сургалтад сургууль бүрээс 40 багш суралцаж байгаа бөгөөд сургалтад хамрагдаагүй  багш нарт сургалт явуулах ажлыг үр дүнтэй зохион байгуулах хэрэгтэй байна.

Сургалтад хамрагдаагүй  багш нарт явуулах сургалтыг  2 хэлбэрээр зохион байгуулж болно.

1.    Сургуулийн сургагч багш бүр 1 багш хариуцаж авч, сургалт явуулах

2.    Мэдээлэл зүйн болон сургагч багш нараас бүрдсэн  баг бүрдүүлж, сургалт явуулах. Үүнд:

-       Сургалтын багийн сургалт явуулах хуваарь, сургалтад суралцах багш нарын нэрс гаргах, сургалт үр дүнтэй явагдаж буйд хяналт тавих,  ирцийн бүртгэл хөтлөх

-       Жнь:                                Сургалтын хуваарь

-       Сургалтын баг нь сургалтын хөтөлбөр, төлөвлөгөө гаргаж, Сургалтын менежерээр батлуулах

-       Сургалтын багийн 1 гишүүн нь заах, үлдсэн гишүүд нь туслах багшаар ажиллах байдлаар сургалт зохион байгуулах нь үр дүнтэй байдаг.

3.    Сургуулийн сургагч багш бүр 1 багш хариуцаж авч, сургалт явуулах тохиолдолд сургагч багштай гэрээ байгуулах  шаардлагатай.

УБ хотын Баянзүрх дүүрэгт хэрэгжсэн “Цахим сургалт” төслийн 1-р  хагас жилийн  ажил дүгнэлтээр А үнэлгээтэй дүгнэгдсэн  79-р сургуулийн “Монголын багш нарын өдрийг угтаж нийт багш нар, ЗАС,бүтээлч хамтлагуудын дунд зохиох уралдааны удирдамж” болон 55-р сургуулийн “Шилдэг цахим хичээл, сургалтын хэрэглэгдэхүүн, зайн сургалтын хичээл, сурган хүмүүжүүлэх зөвлөгөө шалгаруулах” уралдааны болзлыг хавсралтаар хүргүүлж байна.

Эдгээр сургуулиудын уралдааны болзлоос санаа авч,  өөрсдийн онцлог нөхцөлд тохируулж  удирдамж гаргах,  багш нарыг идэвхтэй оролцуулах, дүгнэх ажлыг зохион байгуулахыг зөвлөж байна.

Төслийн сургалтаар заалгасан  мэдлэг дээрээ тулгуурлан багш бүр цахим хичээл, сургалтын хэрэглэгдэхүүн хийж, төслийн багт илгээх ёстой талаар манай сургагч багш нар танилцуулсан билээ.

Цахим хичээл, сургалтын хэрэглэгдэхүүн илгээх хуваарь:

12.03, 12.10                            Сургагч багш бүр 1 цахим хичээл,

5  цахим сургалтын хэрэглэгдэхүүн

12.10                                       Суралцагч багш бүр 1 цахим хичээл,

5  цахим сургалтын хэрэглэгдэхүүн

Багш нар 2-р улиралд заах бүлэг сэдэв, нэгж хичээлийн хөтөлбөрийн дагуу  цахим хичээл  сургалтын хэрэглэгдэхүүн бэлтгэх хэрэгтэй  бөгөөд  бие даалтын ажлыг  төслийн багийн гишүүд,  сургагч багш нар үзэж, анхаарах зүйлийн талаар зөвлөгөө өгнө.

Зөвлөгөө болон  шилдэг цахим хичээл, сургалтын хэрэглэгдэхүүнийг багш нар харилцан туршлага судлах зорилгоор сургалтын блогт  байршуулна.

Сургууль бүрд зориулж цахим шуудангийн хаяг нээсэн ба тухайн хаягаар  хичээлээ илгээгээрэй.

Сургуулийнхаа вэб сайтын бүтэц ямар байх талаар  програм хангамжийн компанийн програмистуудтай зөвлөлдөж, 12-р сарын 3-ны дотор  вэб сайтын бүтцээ гаргах, сайт руу оруулах материалаа Наран терминал компани руу илгээхийг зөвлөж байна.

Сургуулийн вэб сайт ажиллуулах журмын загварыг дараагийн зөвлөмжөөр илгээх болно.

Сургагч багштай байгуулах гэрээний загварыг хавсралтаар илгээлээ. Гэрээг сургуулийнхаа нөхцөлд тохируулж,  засварлаж болно.

Суралцагч багштай  байгуулах гэрээг сургагч багшийн гэрээнээс санаа авч, боловсруулахыг зөвлөж байна. Сургагч болон суралцагч багшийн гэрээний хавсралт болох  “Төсөл хэрэгжүүлэгч дунд сургуулийн багшийн хүлээх үүрэг”-ийг хавсралтаар илгээлээ.

Амжилт хүсье!!!

Бид хамтдаа хүчтэй!!!