Бичлэг тандагчЗөвлөмж
“Цахим сургалт” төслийн Гүйцэтгэгч-менежментийн багийн зөвлөмж
2012.04.03 Улаанбаатар хот
1. Төслийн 4-р шатны сургалтын бэлтгэл ажлыг хангах талаар
2012.04.16-04.22-ны хугацаанд “Нэгж хичээлийн хөтөлбөрийг цахим хэлбэрээр боловсруулах нь” сэдвээр 42 цагийн сургалт явагдана.
Сургалт явагдахаас өмнө багш бүр сургалтын хөтөлбөр, төлөвлөгөөний дагуу 4-р улиралд заах 1 нэгж хичээлийн хөтөлбөрт орох ээлжит хичээлийн цахим сургалтын хэрэглэгдэхүүн, цахим тест, судалгаа боловсруулсан байх шаардлагатай.
Сургалтын хугацаанд багш бүр 1 нэгж хичээлийн хөтөлбөр цахим хэлбэрээр бэлтгэх ба ээлжит хичээлийн цахим сургалтын хэрэглэгдэхүүнээ урьдчилан бэлтгээгүй тохиолдолд сургалтын цаг хүрэлцэхгүй хүндрэл үүсэх болно.
Багшийн боловсруулсан нэгж хичээлийн иж бүрэн цахим хөтөлбөр нь төслийн сургалтын үр дүнг тооцох шалгалтын үнэлгээ болох төдийгүй төслийн тайлан-үзэсгэлэн дээр бичгийн цаасан дээр хэвлэсэн байдлаар болон дэлгэцээр үзүүлэх болно гэдгийг анхаарч бэлтгэлээ сайн хангах, сургалтын хугацаанд идэвх чармайлттай, үр дүнтэй суралцах хэрэгтэй юм.
Сумдын сургуулийн сурагчдын амралт тодорхой хугацаагаар хойшилж байгаатай холбоотойгоор 04.09-04.13-ны хугацаанд
- Багш нар нэгж хичээлийн хөтөлбөрийн цахим хичээл, сургалтын хэрэглэгдэхүүнийг бэлтгэх, боловсруулсан материалаа Сургалтын менежерүүдэд шалгуулах- Мэдээлэл зүйн багш нь 3-р шатны сургалтад суралцаагүй багш нарт сургалт явуулах, сургалтын үр дүнд багш бүр 1 цахим тест, 1 цахим судалгаа хийж, Сургалтын менежерүүдэд шалгуулах
- Багш нар сургалтын блогтоо зайн сургалтын хичээл, сурган хүмүүжүүлэх зөвлөгөө, бие даалтын даалгавар зэрэг сургалтын материал оруулах, Сургалтын менежерүүдэд шалгуулах байдлаар ажлаа зохион байгуулахыг зөвлөж байна.
2. Төслийн 4-р шатны сургалтын хугацааны талаар
2012.04.16-04.22-ны хугацаанд төслийн 4-р шатны сургалт явагдана.
Сургалтын төлөвлөгөө:
- Цахим хичээл бэлтгэж сургалтад ашиглах чадвар шалгах зорилгоор багш бүр цахим хичээл заах, төслийн багийн гишүүд, Сургалтын менежерүүд багш нарын хичээлд сууж дүн шинжилгээ хийх, зөвлөгөө өгөх
4-р шатны сургалт нь төслийн сүүлийн шатны сургалт тул үр дүнтэй явуулахын тулд багш нарынхаа зүгээс хоцрох, таслах, цагаас эрт тарах зэрэг идэвхгүй байдал үзүүлэхгүй байх тал дээр сургуулийн удирдлагууд онцгойлон анхаарал тавихыг хүсч байна.
3. Төслийн 3-р шатны тайлан ирүүлэх талаарТөслийн 3-р шатны тайлан 04.06-ны өдрийн дотор ирүүлэх шаардлагатай байна. Тайланд:
- 3-р шатны үйл ажиллагааны төлөвлөгөөний заалт бүрээр хийсэн ажил /фото зургаар баяжуулсан байх/
- Сургалтын менежер бүр хариуцсан багш нарынхаа сургалтын блог, дотоод удирдлагын програм, цахим хичээл, хэрэглэгдэхүүн гэсэн 3 үзүүлэлтээр ажил дүгнэсэн үнэлгээ
- Нийгмийн ажилтан нь дотоод удирдлагын програм руу оруулсан багшийн зураг, мэдээлэл, АУБ нар даасан ангийн сурагчдын зураг, мэдээлэл, судалгаа оруулсан эсэхийг шалгаж, үнэлгээ өгсөн тайланг хавсаргах хэрэгтэй.
Амжилт хүсье!!!
Бид хамтдаа хүчтэй!!!
